Ол үшін баланың ата-анасы немесе заңды өкілдерінің бірінің және білім беру ұйымының жазбаша келісімі қажет.

         Оқушылар мен студенттердің қоғамдық жұмыстарға қатысуына бола ма? Бұл туралы «Ашық диалог» порталының қолданушысы еңбек және халықты әлеуметтік қорғау министрі Тамара Дүйсеновадан сұрады.

        Министрдің жауабына сүйенсек, жалпы білім беретін мектептердің жоғары сынып оқушылары мен студенттер оқудан бос уақытында қоғамдық жұмыстарға, денсаулыққа зиян келтірмейтін және оқу процесін бұзбайтын жұмыстарға қатыса алады.

        Бұл туралы Денсаулық сақтау және әлеуметтік даму министрінің 2016 жылғы 14 маусымдағы №516 бұйрығымен бекітілген «Қоғамдық жұмыстарды ұйымдастыру және қаржыландыру қағидаларында» жазылған.

             Жалпы білім беретін мектептің 16-18 жастағы оқушысы немесе студент қоғамдық жұмыстарға қатысу үшін:

  • өтініш;
  • ата-анасы немесе заңды өкілдерінің бірінің жазбаша келісімін;
  • білім беру ұйымының оқу процесінен тыс қоғамдық жұмыстарға қатысуға жазбаша келісімін өткізуі керек.

 

 

                                                                              inform.kz

ПІКІР ҚАЛДЫРУ

Сіздің электронды поштаңыз жарияланбайды. Қатарды міндетті түрде толтырыңыз *