Ауылдық елді мекендердегі экономикалық даму қажеттілігін жарнамалауда бұқаралық ақпарат құралдарының маңыздылығы

Қазіргі таңда еліміздің ірі қалалары әлеуметтік, экономикалық, әлемдік үдерістерге сай дамып келеді. Зәулім ғимараттар, халықтың қажеттілігін өтейтін салалар, қысқаша айтқанда тұрғындардың жағдайы жасалуда. Ең үлкен кемшіліктердің бірі-көп жағдайда ауылдардың, ауыл тұрғындарының экономикалық даму қажеттілігін елемеу.

Мемлекет тек қаладан тұрмайды және мемлекеттің дамуына ауылдық өңірлер өзіндік бір ықпалын тигізуде. Мысалы, ауылшаруашылығының дамуы тікелей ауыл тұрғындарына, ауылдық өңірлерге байланысты. Сол себепті мемлекет ауылдың қажеттілігін қамтып, экономикалық дамуын қолға алуы тиіс. Қазіргі таңда көптеген мәселелер көтеріліп жатыр, дегенмен халық арасында шу тудырған, жаңалықтарға шыққан мәселелер ғана шешілуде. Бұл — ауылдық елді мекендердің экономикалық дамуын ақпараттық тұрғыда ілгерілетуде бұқаралық ақпарат құралдарының рөлінің зор екенін көрсетеді.

Бұқаралық ақпарат құралдарының және журналистердің басты міндеті- қарапайым халық пен мемлекеттік билік арасында алтын көпір болу. Себебі тілшілер тек ақиқатпен орын алып жайттарды билікке және халыққа жеткізеді, осы арқылы қоғамдағы көптеген мәселелер өз шешімдерін табуда. Нақты мысал келтіре кетсек, 2022 жылы БАҚ «Хабар 24» , «КТК» , «31 арна» деген атақты арналарға бірнеше сюжет жариялау арқылы  Қарағанды облысындағы Абай ауылының көмір тапшылығына байланысты мәселесін шешіп берген. Бұл оқиға БАҚ-тың халық пен билік арасындағы көпір екенін көрсетті, себебі тілшілер бұл мәселені жарияламаса, шешім тез қабылданбас еді.

Қорытындылай келе, мемлекет даму үшін ауылдық өңірлердің экономикалық дамуын тежейтін мәселелер тез арада шешілуі тиіс. Осы жолда біз БАҚ пен тілшілердің көмегіне жүгіну арқылы  сол мәселелердің шешілу мерзімін қысқарта аламыз. Себебі БАҚ- халық пен билік арасындағы алтын көпір!

  ТУРКЕБАЙ Ақзере Маратқызы,

Абай атындағы РММИ 11 – сынып оқушысы,

Алматы қаласы