Болашақта журналист ретінде талқыға салатын тақырыбым

   Журналист — тек ақиқатқа сүйеніп, шындықты халыққа және билікке жеткізетін тұлға. Сонымен қатар, қоғамның дертін көрсетіп, шешуге атсалысатын маман. Менің бала кездегі арманымның бірі- журналист болып, халықтың үндеуін билікке жеткізіп, өзімнің бір пайдамды тигізу.

Қазіргі қоғамның дерті өте көп. Ажырасу, бала тәрбиесі, бақытсыз ұрпақ және т.б көптеген дерттерге душармыз. Менің пікірімше бұл мәселені шешу үшін журналисттер үкіметке талап қойып, халықты ақпараттандыру қажет. Сол себепті мен болашақ журналист ретінде «лудомания» тақырыбын көтеруші едім.

Лудомания — бұл құмар ойындарға деген патологиялық тәуелділік, яғни адам ойынға деген бақылауды жоғалтып, өмірінің басқа маңызды аспектілерін елемей қоюы. Қазіргі қоғамның ең басты дерті- лудомания десек артық айтқанымыз емес. Неге? Себебі қазіргі таңда өзекті болып , қоғамның наразылығын күшейтіп жатқан мәселелердің көбісі осы лудоманияның салдарынан.

Егер нақты мысалдар арқылы дәлелдесек, бірінші мысал ретінде ажырасуды алуға болады. Қазақстан қазіргі таңда ажырасу бойынша сегізінші орында тұр, бұл өте қайғылы жағдай. Себебі әлемді екі жүз он бір мемлекет бар. Ажырасуға лудоманияның әсері өте көп, мамандардың есептеуі бойынша ажырасқан отбасылардың 38,4 пайызы лудоманиядан болып есептеледі. Ал енді ажырасудың салдарынан не туындайтынын қарастырайық . Ажырасудың ең ауыр салдары- ортада қалған баланың бақытсыз ғұмыр кешуі. Себебі қазіргі қоғамда құмар ойындар үшін өз еріктерімен отбасыларынан бас тартып жатқан әкелер не аналар жетерліктей және осы жағдай баланың психологиясына  кері әсерін тигізеді. Бұл мысалдар қоғамға үлкен қауіп төндіріп жатыр.

Адам баласы өмірге келгеннен кейін, бақытты болуға құқылы. Бірақ қазіргі таңда қоғамдағы орын алып жатқан мәселелер бақытқа жетелейтін жолды жауып жатыр. Сол себепті көптеген ауыр мәселелерді туындатып жатқан «лудомания» яғни құмар ойындарға деген тәуелділікті өте ауқымды түрде көтеру керек деп есептеймін.  Қазіргі таңда бұл аурудың санын азайтып, ойынды шектеге тырысқанымен, нәтижені көрмей жатырмыз. Неге? Себебі бұл мәселені шешу үшін бар күш салынып жатқан жоқ. Сол себептен қазір жол үстінде үлкен жарнамалар толып тұр, оны көріп қызыққан халық түзетуге қиын тәуелділікке ұшырап жатыр. Жасөспірімдер жәй оңай ақша, арзан күлкі қуып ұрынып жатыр. Осындай өте ауқымды мәселені шешу үшін, оның алып келіп келіп жатқан салдарын халыққа жеткізу керек деп есептеймін.

Сөзімді қорытындылай келе, егер мен журналист болсам, қазіргі таңдағы көп мәселелерді тудырып жатқан «лудомания» тақырыбын көтеру арқылы, халыққа оның зардабын түсіндіріп, қоғамдағы бақытты жандар пайызын көбейтуші едім.

                                           ТУРКЕБАЙ Ақзере Маратқызы,

Абай РММИ 11 сынып оқушысы.

Републикалық Farabi  shakirti журналы мен

www.farabishakirti.kz желілік — басылым сайтының Жас тілшісі

Сурет:https://liter.kz/