IT саласының дамуына кәсіби мамандар қажет

IT саласы — компьютерлік технологиялар, бағдарламалық қамтамасыз ету, желілер және мәліметтерді өңдеу, сақтау және басқару сияқты ақпараттық жүйелер мен технологияларға қатысты барлық бағыттарды қамтитындығын білеміз.

Алайда, Қазақстандағы IT саласының дамуы бірқатар қиындықтарға да тап болып отыр. Негізгі мәселелер мен себептеріне тоқталсақ:

Біріншіден, мамандардың жетіспеушілігі. Кәсіби біліктілігі жоғары IT мамандарының тапшылығы өзекті. Жоғары білім беру орындарында IT бағытындағы білім сапасы әрдайым нарық талаптарына сай емес, әрі жаңа технологияларға бейімделуі баяу жүреді. Көптеген дарынды мамандар шетелдік компанияларға жұмысқа орналасады, себебі ол жерде жалақы жоғары және даму мүмкіндіктері көбірек.

Келесі,білім беру жүйесінің артта қалуы. Мектептер мен университеттердегі IT білім беру деңгейі көбіне ескірген әдістерге негізделген және заманауи технологияларды қолдануға жеткіліксіз.Бағдарламалау, робототехника және деректерді талдау сияқты маңызды пәндерге жеткілікті көңіл бөлінбейді немесе оларды сапалы түрде оқыту мүмкіндігі аз.

Соңғысы, қаржыландырудың аздығы және инвестицияның жетіспеушілігі. Жеке IT жобаларға қаржыландыру мен қолдаудың жеткіліксіздігі, IT саласының дамуына кедергі келтіреді.Көптеген компаниялар әлі күнге дейін дәстүрлі жұмыс тәсілдерін ұстанып, цифрлық трансформацияға қаражат салуды қажет деп санамайды.

Осы мәлеселер мен себептерге сүйене отыра,менің ұсынысым:

Қазақстандағы IT саласының дамуы үшін білім беру жүйесін жетілдіру, мемлекеттік қолдауды күшейту, жеке сектордың IT жобаларды дамытуға белсенді қатысуы, ауылдық аймақтарда интернет қолжетімділігін арттыру маңызды. Егер осы мәселелерге назар аударылса, Қазақстанда IT саласы тұрақты әрі қарқынды дами алады.

ҒАНИҚЫЗЫ  Дәрия,

Абай атындағы РММИ 10-сынып оқушысы. Алматы қаласы.

Републикалық Farabi  shakirti журналы мен

www.farabishakirti.kz желілік — басылым сайтының Жас тілшісі

Сурет:https://www.gov.kz/