Тау шығу – жансарайыңның тыныштығы

Тау- табиғаттың шебер әрі көркем туындысы. Тау-еркіндік пен тыныштық. Тау — өмірлік сұрақтарға жауап алатын ерекше орын.

Тауға шығу елімізде жастар арасында ақырындап өзекті болып келе жатқаны-мәдениеттің бір шыңына аяқ басқанымыздың көрінісі.

Алатаудың баурайында орналасқан әсем қала Алматыда тұрып, Алматының тауларына мүлдем шықпаған адамдар қаншама?

Алтайдан Атырауға дейінгі кең байтақ өлкеміздің табиғаты көздің жауын алады. Жасыл шалғындары мен қияларға жайылған шыршалары, көкке көтеріліп, аспанмен астасқан таулар!  Осындай көрінісі бар елде тұрып, оның әдемілігін көруге асыққан дұрыс деп білемін. Себебі бұл әдемілік Жаратушыдан келген сый.

Халыққа «Туризм» арқылы табиғаттың тартуын көрсетуге тырысатын көптеген турлар бар. Соның ішінде әсіресе жастар арасында кеңінен танымал «Тaugashyk» тур агенті.  Атауының өзі ерекше.

«Мен тауға шыға беріп, нағыз бақыттың қайда екенін түсіндім. Бұл бақытты өзім ғана сезінгім келмей, оны басқа жандарға да көрсеткім келді. Сондықтан осы жобаны аштым», — деп Taugasyk-тың негізін қалаушы Ернат Темірбеков өз сөздерінде айтып өткен еді.

Тауға шыққан адамның бойында өзгеше сезім болады. Шыңдарды өз күшімен бағындырған адамға ерекше сенімділік дариды. Осындай сезімдерді көп жандарға сыйлап, оларға себепші болып жатқан бірден-бір жоба осы «Taugashyk» деп білемін.

Өкінішке орай, қазіргі қоғамның кей ата-аналары таудың маңыздылығы мен құндылығын айтпайды. Көптеген қазақтың фундаментінде бар. Баланы қолдаудың орнына, «Тауда не бар? Қауіпті!» деген стереотипті қалыптастырып алған.

Таудан еш уақыт қорықпау керек. Керісінше адамға қуаныш сыйлайтын жердің бірі — тау екеніне көз жеткізу керек.

Қазақстанда көбіне тауға шығып, оны әдетке айналдырғандар- өзге ұлт өкілдері екені анық. Тіпті, тау жайлы қазақша контент өте аз. Қазақша ақпарат та аз.

Мәдениеттің бұл түрін насихаттап жатқан жас буынның бастаған жобаларын қолдайық. Нағыз бақытты сездіретін жерлерді көруге асығайық.

Елімізде “ЖАЯУ ТУРИЗМ” аса дамымаған.

Халықтың да қызығушылығы бұл нәрсеге төмен. Көбі үшін туризмда жан қиналмай, автобуспен бара  салу ыңғайлы, тиімді. Бірақ жаяу туризм адамға сезіну мен эмоцияға көбірек бөленуге мүмкіндік береді.

Жаяу туризмның адамға зияны жоқ. Бірақ атап өтетін кемшіліктері бар. Туризмнің бұл түрі елімізде дамымағандықтан, адасып кету қауіпі жоғары. Адамдар арнайы ережені сақтамайды. Тауға шығар алдында арнайы этикаларды сақтап, көбірек іздену қажет.

Ал тауға шығудың артықшылықтары өте көп. Оны көп ғалымдар зерттеп те тастаған. Ең жақсы диета  — тауға шығу. Тауға шыққан адамның жүрек бұлшық еттері күшейеді. Жалпы тауға жиі шығу арқылы түрлі аурулардың алдын алуға болады. Таудың ауасының өзі дертке шипа.

ТҰРДАҚЫН  Әмина  Жанатқызы,

Абай атындағы Республикалық мамандандырылған дарынды балаларға арналған

қазақ тілі мен әдебиетін тереңдете оқытатын орта мектеп-интернатының

10-сынып оқушысы.

Сурет:https://bilimpaz.kz/