«Farabi Shakirti» мектеп мұғалімдері мен орта және жоғары оқу орындары оқытушыларына, сала мамандарына, магистранттар мен жасөспірімдерге арналған Республикалық желілік басылым-сайты
Ғибрат

Майлықожаның термесі

Армысың ата-әже, қариялар

Елімнің шежіресі, дариялар

Армысың, аға-жеңгей, белестерім

Ақылшым, маған берген кеңестерің.

Армысың, құрбы-құрдас, жолдастарым,

Өзімнің бірге ойнаған құрдастарым.

Осындай достарымның тойларында-ей

Өзімше осылай бір ән бастадым.

Атасы жақсы қандай-ды

Перзент қамын ойлайды

Перзентім адам болсын деп

Қылығына тоймайды.

Анасы жақсы қандай-ды

Қамқорлығы таудай-ды

Қалқам деп шықса алдыңнан

Кеудеңде қайғы қалмайды.

Ағасы жақсы қандай-ды

Алдыңда асқар таудай-ды.

Сүйінгенде сүйініш, құлағанда қолдайды

Інісі жақсы қандай-ды

Айтқан бір тілді алғай-ды

Ақылменен іс істеп,

Бетіңе күйе салмайды.

Қарындас деген мейман дос

Сірә да қапы қалмайды,

Қиын іс түссе басыңа

Туысқан қамын ойлайды.

Жеңгесі жақсы қандай-ды

Шаршап бір келсең жұмыстан

Төсегің қамын салғай-ды

Келіп тұрса ашуың

Айналайын мырзаш деп

Басыңнан сипап алдайды.

Ағайын жақсы қандай-ды

Туысқандық қалмайды

Жездесі жақсы қандай-ды

Әкеден кемі болмайды.

Жиені жақсы қандай-ды

Бөліп бір жеген нандай-ды

Нағашы жақсы қандай-ды

Үзілген жерді жалғайды.

Осының бәрі бар болса,

Есен де аман сау болса

Айналайын, жақсылар

Бақ-дәулет келіп басыңа

Өзі оралып қонбай ма?

Matinder.kz

 

Сәйкес жаңалықтар

Димаш Құдайберген Маңғыстаудың туристік әлеуетін насихаттауға үлес қоспақ

farabi shakirti shakirti

Қазақстан Республикасы мен Моңғолияның арасындағы білім саласындағы қатынастарға жаңа қарқын беріледі

admin_farabi

25 қазан – Республика күні: тарих һәм дерек

farabi shakirti shakirti