📸 Сурет: ЖИ көмегімен жасалынды (Жасанды интеллект).
Жолдаған: автор @Айкүміс ЖАМАЛБЕК
Өзгелердің жанын ұғып келемін,
Өз жанымды өзім неге көмемін?
Бәрін түсініп, бәрін кешіп жүріп мен,
Мені кімнің түсінгенін көремін?
***Жақсы көріп, қадірімді түсірдім,
Бір жан үшін биігімнен түсіппін.
Көңіліне түспесін деп мұң қаяу,
Көңілімді өз қолыммен өшірдім.
***Тым мұңайса, жұбатуға асықтым,
Шын жыласа, өз қайғымды басыппын.
Бәрі маған ақтарғанда шерлерін,
Өлеңіме өз мұңымды қосыппын.
***Мен ешкімнен артық мейір көрмедім,
Бір ауыз шын сөздерді де күтпедім.
Бәрінің де жағдайына түсіп мен,
Өз жағдайым күйрегенін білмедім.
***Мен де кейде біреуге мұң айтқым кеп,
Жан жарамды жасырмастан шаққым кеп.
Жолығатын жанды аңсап кетермін,
Мына мұңды шын түсінер жан іздеп.
***Енді, жүрек, қадіріңді жоғалтпа,
Біреу үшін болмысыңды тонатпа.
Бәрін ұғу – өзіңді ұмыту емес қой,
Сүйе біл де, өзі өзіңді жылатпа.
Айкүміс ЖАМАЛБЕК,
«Ы. Алтынсарин» атындағы
№83 мектеп –гимназиясының
11 «А» сынып оқушысы
Астана қаласы, Сарайшық ауданы