📸 Сурет: ЖИ көмегімен жасалынды (Жасанды интеллект).
Жолдаған: автор @Айкүміс Жамалбек
Былтыр күзде суық желмен сырластым,
Жалғыздықпен талай кешті мұңдастым.
Жүрегіме жылу іздеп жүргенде,
Бір жан келер деп үмітімді жалғадым.
***Сол бір күздің суығы әлі есімде,
Мұңның ізі қалған еді сезімде.
Биыл сен бар – бақытым бар жанымда,
Жылу таптым, мұң қалмады жанымда.
***Кейде еркелеп, өкпелеп те қаламын,
Кейде өзім мінезіме таңқаламын.
Бәрі бірдей түсіне алмас жанымды,
Сен түсіндің жүрегімнің бар мұңын.
***Сенің жаныңда шаттыққа мен толамын,
Еркелігімді жасырмастан жаямын.
Кейде үнсіз, кейде назды болсам да,
Сен бар жерде тыныштықты табамын.
***Былтыр күзде суық желге тоңып ем,
Жалғыздықтың ащы дәмін біліп ем.
Биыл сол күз, сол бір салқын кештерде,
Жан жылуын сенің бойыңнан көрдім мен.
***Өткен күздің суығы әлі есімде,
Мұңның ізі қалған еді сезімде.
Биыл сен бар – бақытым бар жанымда,
Жылу таптым, мұң қалмады жүректе.
Айкүміс ЖАМАЛБЕК,
«Ы. Алтынсарин» атындағы
№83 мектеп –гимназиясының
11 «А» сынып оқушысы
Астана қаласы, Сарайшық ауданы