СҚО-да Алтын орда дәуiрiнiң қымбат жәдiгерлерi табылды
СҚО әкiмi жұмыс бабымен Уәлиханов ауданына барды. Бұл жайында облыс әкiмi Құмар Ақсақалов әлеуметтiк желiдегi парақшасында жазды.
«Уәлиханов ауданында 2019 жылы ашылған ортағасырлық «Қызылоба мазарына» бардым. Үш жыл бойы қазба жұмыстары жүргiзiлiп, құнды жәдiгерлер табылды. Атап айтқанда, 14 ғасырға жататын күмiс монеталар, алтын бұйымдар, керамика, мазарлар мен пештер», — деп жазды өңiр басшысы.
Бұл Солтүстiк Қазақстан аумағында Алтын Орда қоныстарының болғанын дәлелдейдi. Қазiр тарихи ескерткiштi сақтап қалу үшiн музейлендiру жұмыстары жүргiзiлуде.
«Кешқұрым облысымыздың шалғайда жатқан ауылдарының бiрi — Береке мен Қулыкөлге барып, тұрғындармен кездестiм. Кездесуде жол, су, интернет мәселелерi көтерiлдi, барлық мәселелер бақылауға алынды. Биыл Қулыкөлде iшкi жолдар жөнделiп, ауыл клубы жаңартылуда», — дедi СҚО әкiмi.
