Ақтауда облыс әкімі Нұрлан Ноғаевтың қатысуымен лицей түлектеріне аттестат тапсыру салтанаты өтті, — деп хабарлайды Маңғыстау облысы әкімінің баспасөз қызметі.

Шараға облыстың білім саласының қызметкерлері, түлектер мен ата -аналар қатысты. Аймақ басшысы Нұрлан Ноғаев түлектерге ақ жол тілеп, аттестат табыстады. Айта кетейік, шахматтан әлем чемпионы, Бибісара Асаубаева биыл Ақтау қаласындағы IT лицейін «Алтын белгіге» аяқтап жатыр.

— Бүгінгі күн бәріміз үшін өте маңызды. Мектеп – мейірімнің, инабат пен руханияттың, білім мен тәрбиенің ордасы. Араларыңызда Республикалық, Халықаралық олимпиадалардың, байқаулардың, ғылыми жобалардың жеңімпаздары бар. Шахматтан Гиннестің рекордтар кітабына енген әлем, Азия чемпионы Бибісараға елімізде осы спорт түрін дамытуға қосқан үлесі үшін шексіз ризашылығымды білдіремін,- деді Нұрлан Ноғаев.

Биыл облыста 166 орта мект.епті 167 385 түлек аяқтап жатыр. Оның ішінде 9-сыныпты — 12 500, 11-сыныпты — 7 562 түлек бітірді. 174 түлек «Алтын белгі», 515 түлек «Үздік аттестат» иегері атанды.

ПІКІР ҚАЛДЫРУ

Сіздің электронды поштаңыз жарияланбайды. Қатарды міндетті түрде толтырыңыз *