WBA Super және IBF нұсқалары бойынша орта салмақтағы әлем чемпионы Геннадий Головкин өзінің жекпе-жектерінің бірін Қазақстанда өткізгісі келетінін мәлімдеді, деп хабарлайды Compas On The Beat Youtube арнасы.
«Менің кіммен, қалай және қайда жекпе-жек өткізетінім жайлы болашаққа үлкен жоспарларым бар. Сүйікті Қазақстаным бар және мұнда жекпе-жек өткізуім керек деп есептеймін! Сондықтан алда үлкен жоспарлар бар», – деп мәлімдеді қазақстандық боксшы.
Айта кетейік, Геннадий Головкин Қазақстанда әзірге бір ғана кәсіби жекпе-жек өткізген. Ол 2010 жылы елордада колумбиялық Нильсон Тапияны үшінші раундта нокаутқа жіберген болатын. Естеріңізге сала кетейік, биылғы жылдың қыркүйек айында Головкин мексикалық Сауль Альвареске қарсы үшінші жекпе-жегін өткізеді.
Автор: Әсел Дағжан,
kaz.nur.kz