Сурет: ЖИ, жолдаған автор
Уақыт – адам өміріндегі ең құнды байлық. Оны көруге де, ұстауға да болмайды, бірақ оның әрбір сәті адам тағдырына әсер етеді. Ақша жоғалса табуға болады, ал босқа кеткен уақыт ешқашан қайта оралмайды. Сондықтан уақыттың қадірін білу – өмірдің қадірін түсінумен тең.
Қазіргі заманда адамдардың көбі уақыттың қалай өтіп жатқанын байқамай қалады. Әлеуметтік желі, бос әңгіме, кейінге қалдыру әдеті – уақытты ұрлайтын дүниелердің бірі. Кейде «ертең істеймін», «уақыт әлі көп» деп жүргенімізбен, уақыт ешкімді күтпейді. Бүгінгі атқарылмаған іс ертеңгі өкінішке айналуы мүмкін.
Әсіресе жастар үшін уақыттың маңызы ерекше. Себебі бүгінгі күн – ертеңгі болашақтың іргетасы. Қазір алынған білім, қалыптасқан дағды мен жасалған еңбек келешектегі жетістікке жол ашады. Уақытын тиімді пайдаланған адам өз мақсатына жақындай түседі.
Уақытты бағалау дегеніміз – тек жұмыс істеп, дамудан тұрмайды. Ол жақын адамдарға көңіл бөлу, отбасыңмен уақыт өткізу, денсаулыққа мән беру және әр күніңді пайдалы өткізе білу. Себебі өмірдің ең қымбат сәттері кейін естелікке айналады.
Халқымызда «Уақыт – алтын» деген нақыл сөз бар. Бұл сөздің мағынасы өте терең. Өйткені алтын жоғалса табылар, ал өткен уақыт қайта келмейді. Әр минутымыз бен әр күніміз – бізге берілген мүмкіндік.
Қорытындылай келе, уақыт – өмірдің өлшемі. Оны бағалай білген адам ғана өз арманына жетіп, өмірін мәнді ете алады. Сондықтан бүгінгі істі ертеңге қалдырмай, әр күніміздің қадірін түсіне білейік.
АМАНДОСОВА Балбөпе Мейрамбекқызы,
Қызылорда облысы, Қазалы ауданы,
Әйтеке би кенті, «№266 мектеп-лицейінің»
11 – сынып оқушысы.
Республикалық «Farabi shakirti» журналы
мен www.farabishakirti.kz желілік басылым
сайтының Жас тілшісі