Сурет: https://www.zakon.kz
*Шіркін уақыт зымырап, бір орында тұрмайды,
Күн артынан күн өтіп, жылдар алға зырлайды.
Балалық шағың — бал дәурен өте шығып, қас-қағым,
Жалбарынып сұрасаң, уақыт кері бұрылмайды.
*Кеше ғана табалдырығын аттаған ең мектептің,
Бүгін, міне ұядан қанат қағып кетпексің.
Қоштаса алмай тұрсың сен, ұстазыңмен, досыңмен,
Бір қарасаң мектебің, алыс қалған елесің.
*Бүгін міне, мектеппен жатырсыңдар қоштасып,
Қалып едік сендерге бауыр басып, достасып.
Алда күткен қиындыққа жеңіс бермей, мойымай,
Бастарыңа бақ қонсын бірінен соң астасып.
*Елу елдің қатарынан көрсетуге елімді,
Аянбайтын азаматы болыңдаршы сенімді.
Іске асырып Президенттің ойлағанын, түйгенін,
Қазағыма күн болыңдар, нұрға бөлеп жетімді.
*Бітіруші жас түлек қанаттарың талмасын,
Қатал тағдыр еш уақытта езгісіне салмасын.
ҰБТ-ны абыроймен өткізіңдер түлектер,
Ешбір адам 100-ден төмен балл алмасын!
ДОСАЛИЕВА Несібелі,
Қызылорда облысы, Жаңақорған ауданы
«№223 орта мектебінің» 11сынып оқушысы.