Әбу Насыр әл-Фараби:
«Тәрбиесіз берілген білім — адамзаттың қас жауы».
Адам өміріндегі ең бағалы нәрселердің бірі — уақыт. Оны сатып алу да, қайта қайтару да мүмкін емес. Сондықтан әр адам уақытты дұрыс пайдалана білуі керек. Уақытын бағалай білген адам ғана өмірде жетістікке жете алады.
Көп адамдар уақыттың қадірін кеш түсінеді. Кейде адам бос нәрселерге алданып, маңызды істерін кейінге қалдырады. Алайда өткен уақыт ешқашан қайта оралмайды. Сол себепті әр минутты пайдалы іске жұмсау өте маңызды.
Қазіргі заманда адамдардың уақытын алатын нәрселер көп. Әлеуметтік желі, ойындар және бос әңгіме адамның уақытын байқатпай ұрлайды. Әсіресе жастар кейде уақыттың қалай өткенін сезбей де қалады. Сондықтан адам өз күніне жоспар құрып, уақытын тиімді ұйымдастыра білуі қажет.
Уақытты дұрыс пайдаланудың басты жолы — мақсат қою. Алға қойған мақсаты бар адам әр күнін бағалап, өз дамуына көңіл бөледі. Білім алу, кітап оқу, спортпен айналысу және пайдалы істермен шұғылдану адамның болашағына оң әсер етеді.
Бұл сөз адамның уақытын тек білімге емес, рухани дамуға да арнауы керектігін көрсетеді.
Уақыт – адамға берілген үлкен мүмкіндік. Оны дұрыс пайдалану адамның өз қолында. Кей адамдар уақытты бағалап, үлкен жетістіктерге жетсе, енді біреулер уақытын бос өткізіп, кейін өкініп жатады.
Қорытындылай келе, уақыт – ең қымбат байлық. Оны қадірлей білген адам өз болашағын жарқын
ете алады. Сондықтан әр күнді пайдалы өткізіп, уақыттың бағасын түсіну – әр адамның міндеті.
КЕРИМХАН Аружан,
Алматы қаласы Білім басқармасының
«№198 мектеп-гимназиясының»
11 — сынып білім алушысы.
Республикалық «Farabi shakirti» журналы
мен www.farabishakirti.kz желілік басылым
сайтының Жас тілшісі
Жетекшісі: Сәрсенбиева Гүлзат,
Қазақ тілі әдебиет пәндерінің мұғалімі, педагог-зерттеуші