Шымкенттік оқушылар АҚШ-та өткен халықаралық сайыста жеңіске жетті
Бұл жеңіс -тек бір команданың емес, бүкіл Cambridge Line қауымдастығының жеңісі.
Шымкенттегі Cambridge Line оқушылары АҚШ-тың Хьюстон қаласында өткен халықаралық білім сайысында ел намысын абыроймен қорғап, зор жетістікке қол жеткізді.
21–26 қаңтар аралығында ұйымдастырылған беделді жарыста біздің оқушылар 2 дисциплина бойынша — физика және астрономия/жаратылыстану ғылымдары бағытында бақ сынап, жүлделі III орынды иеленді. Бұл – білімге деген құштарлықтың, үздіксіз еңбектің және жүйелі дайындықтың айқын дәлелі. Халықаралық деңгейде өз білімін дәлелдеу әр оқушы үшін үлкен тәжірибе әрі болашаққа сенімді қадам.
Жеңімпаздар — Қасымбек Ғаламат және Бақытжан Әлмен — 10-сынып, Дәуренбек Рания — 7-сынып оқушылары. Оқушылардың бұл жетістігінде жетекшінің еңбегі ерекше.
Пириев Эльшан — кәсіби бағыт-бағдар беріп, шәкірттерінің әлеуетін ашуға зор үлес қосқан жетекші.
Бұл жеңіс -тек бір команданың емес, бүкіл Cambridge Line қауымдастығының жеңісі.
Алдағы уақытта да биік белестерді бағындырып, халықаралық ареналарда көк туымызды желбірете беретініне сенім мол.
ERNUR.KZ ақпараттық порталынан алынды.
