«Қарлығаш» фильмі тағы бір фестиваль жүлдесіне ие болды

Qazaqstan” РТРК” АҚ-ның қолдауымен түсірілген Қарлығаш» (Swallow) деректі фильмі MEI (Үндістан) және Excellence (АҚШ) кинофестивалдерінде жоғары халықаралық марапаттарға ие болды. MEI кино бәсекесінде «Үздік деректі фильм», «Үздік операторлық жұмыс», «Үздік режиссура», «Үздік продюсерлік жұмыс» және «Үздік музыкалық деректі фильм» санаты бойынша Сертификаттарды иеленді. Нью-Йорктегі WRPN Women’s International Film Festival халықаралық бәйгесінде топ жарған «Қарлығаш» (Swallow) деректі фильмі жаһандық маңыздылығы мен тақырыбының тереңдігін айшықтай түсті.

Фильм авторларымен алғашқы жеңісті кездесу өткен жылғы желтоқсан айында өткізілген болатын. Сол кезде фильмнің сценарий авторы, канадалық режиссер Марина Десяткина, қоюшы-операторы Валера Дегтярев пен Алматы филиалының қызметкерлері — бейнемонтажер Қуаныш Сәнгерей, телеоператор Сағындық Тұрлыбек, дыбыс режиссері Нұрсұлтан Төлегенов пен аударма авторы, ақын Дәурен Берікқажыұлын  жеңісімен құттықтап шығармашылық табыс тілеген едік.

Бүгін біздің “ҚАРЛЫҒАШЫМЫЗ” тағы бір фестиваль жүлдесін жеңіп алып кеп отыр. “ҮЗДІК ОПЕРАТОРЛЫҚ ЖҰМЫС” номинациясын Лондон “2024 Edition Cinematography & Photography Awards” фестивалінен иеленіп, бізді тағы бір қуанышқа бөледі. Осы орайда фильмнің қоюшы-операторы Валера Дегтяревті  Алматы филиалының операторларымен, шығармашылық тобымен кездесуге шақырып, тәжірибесімен бөлісіп, мастер-класс өткізуіне қолқа салдық. Өтінішімізді қабылдаған фильмнің сценарий авторы, продюсер, канадалық режиссер Марина Десяткина мен қоюшы-операторына және  фильмнің басты кейіпкері -Қазақ телевизиясының ардақты ардагері, режиссер, “Айгүл” ансамблінің әншісі, ҚР Мәдениет қайраткері, “Құрмет” орденінің иегері  Қарлығаш Мұртазинаға мың да бір рақмет!

Сәуле ЖИРЕНШИНА,

Qazaqstan” РТРК” АҚ

Алматы филиалының директоры.

Қазақстан Республикасы «Мәдениет қайреткері»